Таче «Йӱд оролым» Москошто ончат
Таче да эрла Республикысе курчак театр Москошто «Шӧртньӧ маске» фестивальын жюриже ончыко «Йӱд орол» пашажым луктын. Спектакльым кум номинацийыште премийлан темлыме. Тиде- курчак театрыште эн сай спектакль, режиссёрын эн сай пашаже (Алексей Ямаев) да сӱретчын эн сай пашаже (Сергей Таныгин). Конкурс программыште курчак театр- влак коклаште 7 спектакль таҥаса. Лектышым «Шӧртньӧ маске» премийым кучыктымо онлайн церемонийыште 10-шо ноябрьыште 12 шагат гыч «Рамблер» порталыште пален налаш лиеш.
