«Таза республике» проект кышкарыште чыла кумылан- влак тергымашым эртен кертыт
«Таза республике» проект кышкарыште чыла кумылан- влак тергымашым эртен кертыт. Эртыше каныш кечылаште кажне еҥ вӱрыштӧ сакырын да кислородын мыняр улмыжым рашемден, давленийым, кап-кылын нелыт индексшым висен, дерматосколпийым ыштыктен да врачын консультацийжым налын кертын. Йоча- влакым педиатр, диетолог да эмлыше физкультура дене инструктор вашлиеш. «Таза республике» проект Йошкар-Олаште шуматкечын да рушарнян 11 гыч 19 шагат марте 13-шо август гыч 4-ше сентябрь марте пашам ышта. Тиде гана нуно Республикысе курчак театр воктене да Рӱдӧ паркыште верланеныт ыле. Тазалыкаралтыш министрын алмаштышыже Юлиана Зейтулаеван мутшо почеш, еҥ- влак эн ончыч анкетым возат, температурым, давленийым висат, кидшерым тергат, вара автобусыш пурен вӱрым пуыман, туштак вакцинацийым эрташ лиеш. Вара пациент терапевт деке пӧртылеш да темлымаш ден консультацийым налеш. Кӱлеш годым районлашкат врач- влак бригаде лектын кошташ тӱналеш.
Фото: Денис Речкин.
Фото: Денис Речкин.
