Тазалыкаралтыш министерстве коллегийын заседанийыштыже 2023-шо ийысе паша лектышым иктешлыме

Тазалыкаралтыш министерстве коллегийын заседанийыштыже 2023-шо ийысе паша лектышым иктешлыме
             Тазалыкаралтыш министерстве коллегийын заседанийыштыже 2023-шо ийысе паша лектышым иктешлыме. Мероприятийыште Марий Элым вуйлатыше Юрий Зайцев участвоватлен.  Заседанийым почшыла Республикым вуйлатыше палемден: обществын илышыштыже медицинын рольжо ден вержым аклаш лийдыме. Молан манаш гын, тазалык айдемын эн шергаканже. «Тазалыкаралтыш»  калыкле проект кышкарыште отрасльыш пыштыме 9 миллиард утла теҥге шинчаш койшо вашталтышым конден, медицина полышын качествыжым нӧлталын. Икмыняр показатель дене республикысе медицина служба российысе тазалыкаралтышыште лидерыште улеш. Пытартыш ийлаште тазалыкаралтышын первичный звеножымат пеҥгыдемдаш йӧн лийын., фельдшер-акушер пункт, врач амбулаторий- влакым чоҥымо, поликлинике- влакым капитально олмыктымо, тора яллашке мобильный комплекс- влак лектын коштыт,- каласен Юрий Зайцев. Тудо ушештарен: 90 утла автомобильым налме, рентген оборудований паркым уэмдыме, цифран аппарат- влакым налме. Тенийлан республикысе 70 процент калыклан дииспансеризацийым  эртараш палемдыме. Тидыже 500 тӱжем наре еҥ лиеш. Республикым вуйлатыше медик- влаклан куштылго огыл пашаштлан тауштен да поро пашаштышт ончыклык сеҥымаш- влакым тыланен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски