Теҥгече Афганистан гыч Совет войскам лукмо кече палемдалте
Теҥгече Афганистан гыч Совет войскам лукмо кече палемдалте. Йошкар-Олаште воин-итернационалист- влакым порын шарналтышт. «Вуйым пыштыше воин- влаклан» стеле воктеке пеледыш аршашым пыштыме. Церемонийыште сарыште лийше ветеран, мер да военно-патриот организаций- влакын еҥышт лийыныт. Нуно мемориал деке венок ден пеледышым пыштымеке, илышыштым пуышо- влакым ик тат шып шоген шарналтышт. Ачамланде деч ӧрдыжтӧ служба порысым шуктышо россиян- влакым шарныме лӱмеш Ленин лӱмеш тӱвыра полатыште 15-ше гыч 23-шо февраль марте «Ме элнан армийже- Ме калыкын армийже» фотовыставке пашам ышта.
