Йошкар-Оласе «Чеховский» микрорайонысо аварийный пӧртла гыч 72 еҥ у пачерыш кусна
Йошкар-Оласе «Чеховский» микрорайонысо аварийный пӧртла гыч 72 еҥ у пачерыш кусна. Илаш йӧрыдымӧ пӧртла гыч калыкым кусарымашым писештарен колташ чоҥымо кундемлам вияҥдыме программе полша. Тиде пашалан посна инвестиций- влакат кучылталтыт. «Чехов» микрорайонышто илыше- влакат шке черетыштым вучат. Тиде Чехов, Первомай, Йошкар Армий да Яков Эшпай уремла коклаште верланыше кварталын ужашыже. Тыште чоҥымо верын кумдыкшо лу тӱжемат 500 утла квадрат метр. Шуко пачеран кок пӧртым- Первомай уремысе 92-шо да Йошкар Армий уремысе 58-ше пӧртым кораҥдыме, кызыт Чехов уремысе 59-ше пӧрт рончымым вуча. 46 еҥым сай илыме верыш кусарыме. Чылаже тиде микрорайонысо тошто пӧртла гыч 72 еҥым кусарат.
Фото: Йошкар-Ола администраций.
Фото: Йошкар-Ола администраций.
