Москошто «Российын тамже- влак» фестиваль эртен
Марий Элын продукцийжым Москошто эртыше «Российын тамже- влак» фестивальыште кӱкшын акленыт. 14-ше гыч 17-ше июль марте Российысе ял озанлык министерствын да Моско оласе Правительствын полшымышт дене «Российын тамже- влак» фестиваль эртен. Тушко регионла гыч 300 утла брендым намийыме. Марий Эл гыч тушко мияш Российысе ик эн кугу каза ферме- «Лукозлан» пиал шыргыжалын. Тудо «Пармезаным вашталтыше - тиде ме» ӱжмаш дене сатужым ончыктен. «Шернур легенда сыр» кугу йодмаш дене пайдаланен. Тыгак Марий мӱй ден «Иван чай» йӱыш кумылым савыреныт. Адакшым мемнан сырым тамлен ончаш гына огыл, мастар- класслаште шкеат ыштен ончаш лийын.
