Военкомат- влак шке пашаштым 12-шо май гыч тӱҥалыт
Российын оборона министрже Сергей Шойгун мутшо почеш, Российысе кундемлаште, Марий Элыштат военкомат- влак шке пашаштым 12-шо май гыч тӱҥалыт. Службым эртыме верыш граждан- влакым иктаж 20-шо май гыч колташ тӱҥалаш палемдыме. Тазалык шотышто тургыжланаш амал уке маныт: военкоматлаште медицине маске да дезинфицироватлыше средстве ситышын улыт, туштак коронвируслан тестым эрташ лиеш. Сергей Шойгу палемден: военкоматлаште дезинфекций режимым пеҥгыдемдыме, тушко пурымаште тергымаш эртаралтеш. Воинский частьлашке миен шушо призывник- влак кок арняш карантиным эртат.
