Тӱнямбалнат эн кугу тортым Марий Элыште ыштыме

Республикым вуйлатыше Александр Евстифеев Марий Эл мучко путешествий дене коштшо-влаклан чапкӱм почын. Туризмын ончыкылыкшо кугу. Республикын 100 ияш лӱмгечыже вашеш оҥай мероприятий эрта да тиде республикысе калыклан ура чонан еҥ- влакын ыштыме чапле пӧлекышт,- каласен тудо. Турист- влакын чотышт кум пачаш ешаралтын да 2019-ше ийыште 813 тӱжемыш шуын. Событийный мероприятий- влак, турист-увер рӱдер- влак шукемыт. 2017-ше ий гыч турист да экскурсий маршрут- влак 60 процентлан ешаралтыныт. Кызыт 287 тур ден программе шотлалтеш. 2018-ше ий гыч республике «Ший лигын» 30 эн оҥай кундем радамыш пура. «Бендериада» событийный туризмын Российысе конкурсыштыжо икымше верым налын, а «Акпатыр» опера кокымшо верыш лектын. Гастрономический туризм кумдан шарла. «Курык марий кравец» когыльо ден «Шернур легенда» сыр бренд семын регистрироватлалтыныт, кызыт марий подкогыльо тыгак бренд семын регистрироватлалташ ямдылалтеш. Калыкле кухньым темлыше «Леве эҥер» трактирыш идалык еда 10 тӱжем уна толеш. Республикым вуйлатыше чапкӱм ямдылыше- влаклан тауштен ойлен. Чапкӱ черепахе ӱмбалне йыр пӧрдшӧ мланде шарым ончыкта, диаметрже ик метрат пеле, кӧргӧ гычше волгалтаралтеш. Тушто Марий Элыш путешествоватлаш кайыше ешым ончыктымо. Чапкӱм почмаште Марий Эл деч сенатор Константин Косачёват лийын. Тудо Москошто Марий Элын кечыжым эртарыме годым погынышо калыкым сийлыше «Леве эҥер» тарктирым мокталтен да Валентина Матвиенкон тауштымашыжым сийгудым вуйлатыше Иван Антроповлан кучыктен. Чапкӱм почмо деч вара уна- влаклан республикын картшым ончыктышо тӱняште эн кугу тортым темленыт. Рекордым Моско гыч толшо ресторан критик Олег Назаров фиксироватлен. Пайрем мероприятийыште Татарстан да Коми гыч туризм министр- влак лийыныт. Регистраций деч вара кум тӱжемат 200 утла порцийым чыла йоча пӧртлаш пуымо да толшо уна- влакым сийлыме.

Прошлые выпуски