Йошкар-Олаште У ийлан ямдылалтмаш тӱналын
Йошкар-Олаште У ийлан ямдылалтмаш тӱналын. Рӱдӧ олаштына У ий шӱлышым пурташ манын, катокым кылмыктат, пӧрт пырдыж- влакым сылнештарат да шӱдӧ утла пайрем мероприятийым эртарат. Ола администрацийыште пайремлан ямдылалтме шот дене совещанийым эртарыме. Тӱҥ архитектор Андрей Дождиков олам сӧрастарым пайрем концепций дене палдарен, а мэрын алмаштышыже Антон Пугачёв у ий шӱлышым пуртымаш- тӱшка задаче манын каласен. Тудын мутшо почеш тӱҥ шонымашыже- йоча- влак да еш дене канымылан пӧлеклалтеш. Тидлан тӱвыра, книгагудо, тоштер, калыкле тӱвыра рӱдер да театр- влак шӱдӧ утла мероприятийым ямдылат. Тиддеч посна Рӱдӧ да Сеҥымаш паркыште катокым ямдылыме, Воин-Интернационалист- влак уремысе 22-шо пӧрт воктене хоккей корбкышто ийым ямдылат, тыгаяк ий 6-шо школ воктене да Звёздный уремысе 12-шо пӧрт воктене лиеш. Кудывечылаште 160 кожым вераҥдат, а Ленин площадьыште тӱҥ ёлко деч посна каток, аттракцион, ик курык- влак лийыт. – увертара Йошкар-Олан администрацийже.
Фото: Йошкар-Ола администраций.
Фото: Йошкар-Ола администраций.
