Марий Элым вуйлатыше ик эн кугу ял озанлык предприятийын сеҥымашыжым аклен

           Марий Элым вуйлатыше республикыштына ик эн кугу ял озанлык предприятийын сеҥымашыжым аклен. Теҥгече Юрий Зайцев «Йола» агрохолдинг дене палыме лийын. Тудо шылкомбинатыш миен, шылым перерабатыватлыме, йӱкшемдыше цехлам ончен, предприятийым вуйлатыше ден пашазыже- влак дене мутланен. Агрохолдингын президентше Магомед Цинпаев Юрий Зайцевлан лукмо продукцийым ончыктен, паша радам, у технологий, инвестиций проект- влак нерген каласкален. 2006-шо ий годсек вич сӧсна комплексым чоҥымо. «Йошкар-Ола шыл комбинат» 690 тӱрлӧ шыл продукцийым ыштен луктеш. Суткаште 60 тонн колбасам, деликатесым, полуфабрикатым, 130 тӱжем банке консервым ямдыла. Марий Элым вуйлатыше агрохолдингын сеҥымашыжлан кӱкшӧ акым пуэн да предприятийын кугу куатше да кугыжаныш полыш республикысе ял озанлыклан вияҥаш полшаш тӱҥалыт манын ӱшаным каласен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски