Юмынъеҥын сугыньлен колтымо самырык патыр- влак сеҥышыш лектыныт

Юмынъеҥын сугыньлен колтымо самырык патыр- влак сеҥышыш лектыныт
Волжск ола гыч самырык патыр- влак греко-рим кучедалмаш дене турнирыште сеҥыше лийыныт. Волжск да Шернур епископ Феофанын сугыньлымыж почеш Волжскысо патыр- влак Кирово-Чепецк олаште «Уралхим» хим комбинатын призше верч 50-ше лӱмгече турнирыште вийыштым тергеныт. Таҥасымаште Юл кундем, Урал да Моско гыч 20 команде- 250 наре спортсмен участвоватлен. Волжский школ гыч сеҥыше радамыш логалыныт: Памар гыч Иван Козлов 35 килограмм марте нелытан- влак коклаште икымше, Владислав Бырля 10-шо школ гыч 38 килограмм марте нелытан- влак коклаште тыгак икымше лийыныт. Ший медальым кокымшо школ гыч Тимур Сулейманов, кумшо верым 6-шо школ гыч Дмитрий Афанасьев сеҥен налыныт.

Прошлые выпуски