Уралыште марий калыкын тӱвыраже да юмын йӱлаже шотышто форум эртен
Уралыште марий калыкын тӱвыраже да юмын йӱлаже шотышто форум эртен. Кодшо кечылаште Красноуфимск олаште «Йылме, религий, тӱвыра» конференций лийын. Тудо тӱвыра да каныш рӱдерыште погынен. Форумыш марий- влакын делегацийышт Марий Эл, Башкортостан, Пермь край, Свердловск областьысе Ачит, Красноуфим, Арти районла гыч миеныт. Погынышо- влакым Красноуфимск ола округын вуйлатышыже Михаил Конев саламлен. Форумышто икмыняр площадке пашам ыштен: «Марий юмынйӱла», «Марий калыкын тӱвыраже» да «Шочмо йылме». Докладым Марий Эл да Свердлов область гыч мер пашаеҥ да туныктышо- влак ыштеныт. Участник- влак Сарсаде ялыште марий пӧртым онченыт. Конференцийым Свердлов областьысе марий- влакын «Урал мари» калыкле тӱвыра автономийышт ямдылен.
