Валентина Матвиенко ден Юрий Зайцев Марий Элыште транспорт инфраструктурым вияҥдыме йодышым каҥашеныт
Валентина Матвиенко ден Юрий Зайцев Марий Элыште транспорт инфраструктурым вияҥдыме йодышым каҥашеныт. Федераций Светым вуйлатыше Валентина Матвиенко ден Марий Элым вуйлатышын пашажым шуктышо Юрий Зайцевын пашаче вашлиймашышт Москошто эртен. Мутланымашын туҥ темыже Республикым социал да экономик велым вияҥдымаш лийын. Республике оҥай, тудын кугу куатше уло. А тендан Калмыкий Правительствым вуйлатыше семын сай паша опытда уло. Ынде шкем у семын ончыкташ йӧн, тӱҥжӧ, кумылда уло, Элын Президентшын шындыме задачым чын умыледа- республикым умбакыже пайдалын вияҥдымашым- каласен Валентина Матвиенко. Тыгак тудо Федераций Совет велым республикылан кӱлеш полыш умбакыжат пуалташ тӱҥалеш, манын. Сенатор- влак Константин Косачёв ден Сергей Мартынов шуко полшат. Могай йодышда уло федерал рӱдер ончылно шынден кертыда, ме чолган полшаш тӱҥалына.
Юрий Зайцев кум тылзе жапыште республикын илышышкыже пӱтынек шыҥенам манаш лиеш, шуко йодышым шке контрольышкем налынам, республикым вияҥдыме стратегий рашемын манаш лиеш, – ешарен Марий Элым вуйлатышын пашажым шуктышо. Вашлиймашыште каҥашыме ик йодышыжо Йошкар-Ола аэропортын чоҥештен кӱзымӧ да волен шичме полосажым пужен ыштымаш. Юрий Зайцевын мутшо почеш, тиде йодышым шукерте огыл Российын Президентше Владимир Путин дене вашлиймаштат каҥашыме. Тыгак Шереметев замкым олмыкташ палемдыме нерген каласен да Валентина Матвиенколан полшен шогымыжлан тауштен ойлен. Тыгак шушаш ийын Федераций Советыште Марий Элын кечыжым эртараш кутырен келшыме.
Фото: Марий Элым вуйлатышын организаций да аналитик виктемже.
Юрий Зайцев кум тылзе жапыште республикын илышышкыже пӱтынек шыҥенам манаш лиеш, шуко йодышым шке контрольышкем налынам, республикым вияҥдыме стратегий рашемын манаш лиеш, – ешарен Марий Элым вуйлатышын пашажым шуктышо. Вашлиймашыште каҥашыме ик йодышыжо Йошкар-Ола аэропортын чоҥештен кӱзымӧ да волен шичме полосажым пужен ыштымаш. Юрий Зайцевын мутшо почеш, тиде йодышым шукерте огыл Российын Президентше Владимир Путин дене вашлиймаштат каҥашыме. Тыгак Шереметев замкым олмыкташ палемдыме нерген каласен да Валентина Матвиенколан полшен шогымыжлан тауштен ойлен. Тыгак шушаш ийын Федераций Советыште Марий Элын кечыжым эртараш кутырен келшыме.
Фото: Марий Элым вуйлатышын организаций да аналитик виктемже.
