Вашкеполыш станцийын автопаркше пойдаралтын
Республикыште Вашкеполыш станцийын автопаркше у автомобиль- влак дене пойдаралтын. Торжественный мероприятий годым Марий Элым вуйлатыше Юрий Зайцев у УАЗ машина деч сравочым кучыктен да вашке медицина полыш станцийын пашажын кӱлешлыкшым палемден. Таче ме лу вашкеполыш машина деч сравочым кучыктена. Тиде федерал рӱдерын ешартыш полышыжо. Мутат уке, Марий Эл правительстват тазалыкаралтышлан кугу тӱткышым ойыра. Кеч-могай ситуаций лиеш гынат, те шке профессионал порысдам кӱлеш семын шуктеда. Пеш кугу тау тендан куштылго огыл, но пеш кӱлешан пашаланда,- каласен Юрий Зайцев. Чыла транспортшат кӱлешан оборудований да ГЛОНАСС-ым кучылташ прибор дене пойдаралтын. Автомобиль- влакым районлашке шеледыме лиеш. Тыгак эше Йошкар-Олалан ик Газель машина толшаш. Вашкеполыш станцийыште чылаже 830 еҥ пашам ышта. Автопаркыште 97 машина уло. Вашкеполыш негызеш ыштыме единый диспетчер служба уло республике гыч пурышо ӱжмаш- влак нерген уверым ик верыш чумыра. Тидыже кызытсе жапыште обстановкым мониторитлаш да лекше ситуаций- влак шотышто мерым ышташ полша. Тений 9 тылзе жапыште гына республикысе служба 121 тӱжем утла ӱжмашым шуктен. Тӱҥ варч Валерий Манукянц правительствын ойырымо тӱткышыжлан Республикым вуйлатышылан таум каласен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
