Василий Сапаевлан пӧлеклалтше шарнымаш кас эртен

Василий Сапаевлан пӧлеклалтше шарнымаш кас эртен
           У Торъял районышто Василий Сапаевым шарнымылан пӧлеклалтше «Писатель, Шанчыеҥ. Туныктышо» лӱман шарнымаш кас эртен. Рӱдӧ книгагудышто Василий Сапаевын шӱдӧ ияш лӱмгечыжлан пӧлеклалтше пайрем мероприятий лийын. Василий Сапаев Чобык ялыште шочын, писатель, поэт, РСФСР-ын сулло туныктышыжо, падагогике шанче кандидат, Кугу Сарын участникше, 20 утла гана уэш савыктен лукмо икымше марла букварьын авторжо. Пайрем мероприятийште район вуйлатыше- влак туныктымо пашан ветеранже, писательын лишыл еҥже- влак, тӱвыра пашаеҥ да тунемше- влак лийыныт. Йошкар-Ола гыч кугу делегаций, ӱдыржӧ миеныт. Пайрем мероприятий кышкарыште «Сапаевын корныжо-влак» сылнымут фестиваль эртен. Сапаевын почеламут ден басньыже- влакым районысо тунемше- влак уло кумылын лудыныт.
          Фото: «Единый Россий» верысе пӧлкан архивше.

Прошлые выпуски