Волжск ола гыч Глеб Мичуков Россий кӱкшытан «Подрост» конкурсын ик номинацийыштыже сеҥыше лийын

Волжск ола гыч Глеб Мичуков Россий кӱкшытан «Подрост» конкурсын ик номинацийыштыже сеҥыше лийын
                 Мемнан землякна Волжск ола гыч Глеб Мичуков Россий кӱкытан «Подрост» конкурсын ик номинацийыштыже сеҥыше лийын. «Подрост-2023» Россий кӱкшытан чодыра юниор 20-шо конкурсын сеҥышыже-влак рашемыныт. Конкурсын финал йыжыҥышкыже элысе 40 субъект гыч 110 эн сай пашам пуымо. Паша- влакын презентацийышт онлайн формат дене эртен. Таҥасымашын тӱҥ цельже-  шуко палаш тыршыше, ончыкылыкан, чолга ӱдыр-рвезе- влакым пален налаш, нуным профессийлан, вара пашалан кумылаҥдымаш. «Подростышко» ушнымаш- шке илышыжым чодыра озанлык дене кылдаш шонышо- влаклан аклаш лийдыме опыт. Сеҥыше- влакым куд номинацийыште палемдыме. «Чодырам шымлымаш да чодырам куштымаш» номинацийыште икымше верым Волжскысо экологий рӱдерын выпускникше Глеб Мичуков сеҥен налын. Ныл номинацийыште- «Чодырам шымлымаш да чодырам куштымаш», «Чодыра кушкылын экологийже», Чодыра янлыкын экологийже», «Пӱртӱсым аралыме проект паша» корно дене сеҥыше- влакын лӱмышт талантан йоча- влак нерген талантыроссии.рф кугыжаныш ресурсыш пурталтыт. Тидыже вузыш тунемаш пурымо годым ешартыш баллым пуа. Тиддеч посна конкурсышто сеҥыше- влак «Орлёнок» йоча рӱдер негызеш «Лесной подрост» профилян сменыште участвоватлат.
            Фото: Волжскысо экологий рӱдер.

Прошлые выпуски