Волжск оласе проект «Эн сай практикын Атласше» сборникыш пурен

                   Марий Эл гыч калык полшымо дене олам вияҥдыме практикым эн сайлан шотлымо. Тудо стратегий инициативе агентствын ола компетенций рӱдержын экспертше- влакын ямдылыме «Оласе кумдыкым вияҥдымашке калыкым ушымо сай практикын Атласше» сборникыш пурен. Тиде проект Волжск олаште «Тумер» оласе тӱвыра паркым тӱзатыме дене кылдалтын. Сборникыш 38 ола гыч 50 пашам пуртымо. Нунын радамышке Австрий, Бразилий, Канада, Мексика да Шотландий гычат решений- влакым пуртымо. Российыште тыгай сборник эше лийын огыл. «Тумерым» тӱзландарыме тӱҥ принципше- келшыше йӧнан пӱртӱс вер-шӧр ден айдемын ыштыме сомылжын кылдалт шогымыжо. Тушто  тургым дене келшышын ярминга эртаралтшаш, Чувашийысе Козловка гыч ял озанлык сатум кондат. Кызыт Тумер деч Козловка марте изи судным уэш колтымо шотышто мутланымаш кая. Кызыт тиде парк оласе чолга еҥ- влакым ушен шогышо вер.

Прошлые выпуски