Волжск оласе самырык боксёр- влаклан у залым пуэныт

Волжск оласе самырык боксёр- влаклан у залым пуэныт
Волжск ола гыч самырык боксёр- влаклан занятийым эртараш у залым пуэныт. Ынде бокс дене «Триумф» клубын шкенжын чапле верже уло. Тидым ышташ палыме тренер- влак Олег Наумов ден Геннадий Николаев чот тыршеныт. «Машиностроитель» микрорайонышто тудым торжественно почмаш кугу пайремыш савырнен. Мероприятийыште олаште да республикыште палыме еҥ, спортсмен- влак лийыныт, пӧлекым кучыктеныт. Зеленодольск ола гыч самырык гимнаст- влак мастарлыкым ончыктеныт. Татарстан да Моско гыч артист- влак лийыныт. Содыки, пайремын тӱн ужашыжлан Волжск оласе да Зеленодольскысо боксёр- влакын ӱчашымыштым шотлыман. Но сеҥалтше лийын огыл. Чыланат чап грамотым да шарнымашан пӧлекым налыныт. Поснак волжскысо боксёр- влак Артём Лежниным, Данила Кудряшкиным, Павел Алексеевым, Амир Гизатуллиным палемденыт. «Триумфын» вуйлатышыже каласен: тыгай залым рвезе-влак шукертсек вученыт. Ынде нунын вияҥаш да сеҥымаш деке лишемаш чыла йӧнышт уло.

Прошлые выпуски