Калыкле проект почеш промышленный технопаркым ыштат

Калыкле проект почеш промышленный технопаркым ыштат
Калыкле проект- влаклан кӧра, республикыште бизнесым виктараш йӧн саемшаш. Мутлан, промышленный технопаркым ышташ палемдыме. Увертарыме ыле: Марий Элыште элысе кӱлешан отрасль- влакым писын вияҥдыме калыкле проект- влакым шыҥдарыме шотышто кугу паша ышталтеш. Тудым кузе шуктымым республикым вуйлатыше шке терген шога. Кугу тӱткыш бизнесым да предприниматель чолгалыкым вияҥдаш ойыралтеш. Кундемыштына «Изи да кыдалаш предпринимательстве да посна амалкалче пашалан полшымаш» проект шыҥдаралтеш. Тудын кышкарыште чолга еҥ- влаклан бизнесын кажне йыжыҥыштыже полыш пуалтеш. Проект почеш элыштына кугу задачым шындыме: изи да кокла бизнесыште тыршыше- влакым 19 миллион утла еҥ гыч 25 миллион марте шукташ. ВВП-ште изи да кокла предпринимательствын ужашыжым 22 гыч 32 процент марте кӱзыкташ палемдыме, амалкалче пашан чапшым нӧлталаш кӱлеш манын каласыме. Тыгак калыкле проект радамыш «Изи да кыдалаш предпринимательствын субъектше- влакым кугемдымаш» регионысо проект пура. Тудо бизнес-средам писын вияҥдаш полшышаш. Тыге республикыште «Мыйын бизнесем» рӱдерым почмо. Тудын пашажым вияҥдаш кугыжаныш 177 миллион теҥгем ойырен. Тиддеч посна Марий Элыште экспортлан полшышо рӱдер ышталтеш. Тыгак промышленный технопаркым ыштат. Тудо производство кумдыклашке изи да кыдал бизнеслан льгото дене пураш йӧным ыштышаш. Технопарк республикыште производство да инноваций компаний- влакым вияҥдаш виктаралтеш. Тудым 2021-ше ийлан ыштен шуктышаш улыт. Проект 322 миллион теҥгем шога. Калыкле банк тӱжем дене амалкалче да шке семын пашам мушо- влаклан полышым пуышаш. Тидын шотыштак предпринимательствын 46 субъектшылан экспортыш лекташ полша. Проект почеш инвестицийын тӱшка кугытшо, технопаркын оксаж дене пырля, 2021-ше ийлан ик миллиард теҥгеш шушаш.

Прошлые выпуски