Республикым вуйлатыше эртыше сайлымашлан акым пуэн
Марий Эл Кугыжаныш Погыныш да муниципал образованийлаш депутат- влакым сайлымашын тӱҥалтыш иктешлымашыжым ыштыме. Тудым Марий Элым вуйлатыше Александр Евстифеевын эртарыме правительствын заседанийыште каҥашыме. Сайлымаш нерген ойлышыла, республикым вуйлатыше тудым сайын ямдылымым да «Единый Россий» партийын ӱшанлын сеҥымыжым палемден. Республикысе калык тӱжемат 410 депутатым ойырышаш ыле. Сандене паша пеш кугу лийын, но чыланат сайын тыршеныт. Пӱтынь калыклан, каныш кечым да чапле игечым ончыде, сайлыме участкыш толын, йӱкыштым пуымылан таум ыштем. Калыкын толмо чотшо Российысе кокла показатель дене келшен толеш. Ынде ойырымо еҥ- влак сайлымаш деч ончычсо режим деч вес кӱкшытыш куснышаш улыт. Мый депутат- влакын пайдалын пашам ыштымшыт нерген йодышым шынденам ыле. Вич ий жапыште чыланат чолган, ала- могай тӱҥалтышым ыштеныт манаш ок лий. Депутат почётан еҥ семын верыште шинчымаш гына огыл, а тудо акым йодшо паша. Сандене законым ыштыме паша тергымашым йодеш. Калыкын интересшым нуно тӱрыс сулышаш улыт,- каласен Александр Евстифеев. Республикым вуйлатыше тыгак ушештарен: Кугыжаныш Погынышто 52 вер гыч «Единый Россий» 37 верым айла але 71 процентым, КПРФ-9-ым- 17%, ЛДПР ден «Справедливый Россий» кум вер гыч, 5,8 луаш процентым. Кугу докладым Республикысе рӱдӧ сайлыме комиссийым вуйлатыше Ирина Татаринова ыштен. Тудын мутшо почеш, республикыште 188 тӱжемат 918 еҥ сайлымашке миен. Тидыже уло калыкын 35,03 процентше лиеш. Республикым вуйлатыше чылам республикын ончыкылыкшо верч тыршаш ӱжын ойлен.
