Шахмат дене модмаште Юл кундемын ветеранже-влак таҥасат

Шахмат дене модмаште Юл кундемын ветеранже-влак таҥасат

Йошкар-Олаште Юл кундем округын шахматист- ветеранже- влак коклаште эн устажым ойырат. Тиде кечылаште Союз- влакын Пӧртыштышт шахмат дене ветеран- влак коклаште Некрасовын мемориалже- ПФО-н первенствыже эрта. Тушко округысо 8 кундем гыч 50 наре спортсмен погынен. Кодшо кечылаште первенствын икымше турнирже мучашлалтын. Тушто сеҥышыш Башкортостан гыч Роза Идрисова лектын. Тудо 9 гыч 7,5 очком поген. Кокымшо верыште шым очко дене Удмуртий гыч Александр Филипенко. Куд очкоат пелым Чуваший гыч Анатолий Алексеев, Марий Эл гыч Николай Кузнецов да Татарстан гыч Валерий Ахмадеев погеныт да кумшо лийыныт.

Прошлые выпуски