Июль гыч самолёт дене тӱжемат 880 пассажирым шупшыктымо
Йошкар-Ола ден Моско коклаште юж кылым 22-шо июль гыч вияҥдыме ыле. Тиде жапыште тӱжемат 880 пассажирым шупшыктымо. Таче кечылан самолёт 70 процентлан темеш. Тидын нерген Республикым вуйлатыше Александр Евстифеевын эртарыме правительствын заседанийыштыже транспорт да корно озанлык министрын сомылжым шуктышо Александр Желонкин ойлен. Тидымат ешарен: «РусЛайн» авиакомапнийын еҥышт да ресубликысе туроператор- влак дене вашлийме годым Санкт-Петербург, Сочи, Симферополь олала коклаштат шушаш ийын кылым ышташ кутырен келшыме. Октябрьыште федерал погылан шотлалтше 8 объектым: чоҥештен кӱзымӧ да волен шичме искусственный полосам, виктарыме корным, перроным, вӱдым йоктарен колтымо системым «Граждан аэропорт- влакын администрацийышт» ФГУП-ын балансышкыже кусарыме лиеш. 2022-шо-23-шо ийлаште чоҥештен кӱзымӧ да волен шичме искусственный полосам пужен ышташ палемдыме.
Заседанийыште ончымо вес йодыш тений калыкле проект- влакым шуктымаш да шушаш кок ийлан регионысо проект-влакым шыҥдараш проект-смете документацийым ямдылымаш лийын. Пале: республикыште 53 регионысо проектым пеҥгыдемдыме. Тушечын 49-ыжым шыҥдараш тӱналме.
Правительствын заседанийыштыже пырчан культурым поген налме да кокияшым ӱдымӧ нергенат ойлымо. Таче кечылан пырчан культурым 86 тӱжем гектар гыч поген налме. Тидыже 70 процент лиеш. Кокла лектыш ик гектарлан шотлымаште 23 центнерыш шуэш. Йӱран игече ӱдышаш пырчын качествыжлан вияҥаш йӧным пуэн огыл. Пареҥгым лукмо да саскам погымо паша умбакыже шуйна. 42 тӱжем тонн шудым, 129 тӱжем тонн сенажым, 158 тӱжем тонн силосым аралаш пыштыме. Тидыже уло кӱлешын 97 процентше лиеш. Идалык тӱҥалтыш гыч озанлык- влак 341 единице ял озанлык техникым да оборудованийым налыныт. Каҥашыме почеш Республикым вуйлатыше ял озанлык министрлан тургым пашам терген шогаш да чыла задачым раш шукташ кӱштен.
Заседанийыште ончымо вес йодыш тений калыкле проект- влакым шуктымаш да шушаш кок ийлан регионысо проект-влакым шыҥдараш проект-смете документацийым ямдылымаш лийын. Пале: республикыште 53 регионысо проектым пеҥгыдемдыме. Тушечын 49-ыжым шыҥдараш тӱналме.
Правительствын заседанийыштыже пырчан культурым поген налме да кокияшым ӱдымӧ нергенат ойлымо. Таче кечылан пырчан культурым 86 тӱжем гектар гыч поген налме. Тидыже 70 процент лиеш. Кокла лектыш ик гектарлан шотлымаште 23 центнерыш шуэш. Йӱран игече ӱдышаш пырчын качествыжлан вияҥаш йӧным пуэн огыл. Пареҥгым лукмо да саскам погымо паша умбакыже шуйна. 42 тӱжем тонн шудым, 129 тӱжем тонн сенажым, 158 тӱжем тонн силосым аралаш пыштыме. Тидыже уло кӱлешын 97 процентше лиеш. Идалык тӱҥалтыш гыч озанлык- влак 341 единице ял озанлык техникым да оборудованийым налыныт. Каҥашыме почеш Республикым вуйлатыше ял озанлык министрлан тургым пашам терген шогаш да чыла задачым раш шукташ кӱштен.
