Йошкар-Олаште тошто пӧртлаште илыше 363 еҥ у пачер деч сравочым налын

             Йошкар-Олаште тошто пӧртлаште илыше 363 еҥ у пачер деч сравочым налын. Теҥгече Марий Элым вуйлатыше Юрий Зайцев Мирный микрорайонышто чоҥымо лу пачашан пӧртыштӧ пачерла гыч сравоч- влакым кучыктен. У пачерлашке 20 аварийный пӧртлаште илыше 134 еш илаш пурат. Республикым вуйлатыше сурт оза- влакым шукертсек вучымо куанле тат дене салмален да ушештарен: калыкым кусарымаш «Аварийный илыме фонд гыч калыкым кусарымаш» республикысе адресан программын кумшо йыжыҥжым шаҥдарыме почеш шукталтеш да тиде пашам вес ийынат шуйымо лиеш. Тений 34 тӱжем утла квадрат метр аварийный илыме верым пытарыме да кок тӱжемат 663 еҥым кусарыме. А программе тӱналме годсек 65 тӱжем квадрат метр тошто илемым кораҥдыме да ныл тӱжемат 367 еҥлан илыме верым пуымо. Шушаш ийын кок тӱжемат 893 еҥым кусараш палемдыме. Тушечын 550 еҥже Йошкар-Олаште илыше улыт. Вуйлатыше икмыняр пачерым ончен лектын. Нуно чыланат илаш ямде улыт.

             Фото: Марий Элым вуйлатышын администрацийжын увер дене пашам ыштыше пӧлкаже.

Прошлые выпуски