Йӱдым иномарке дене кудалыштше ийготыш шудымо рвезым кученыт
Йошкар-Олаште йӱдым иномарке дене кудалыштше ийготыш шудымо еҥым кученыт. Бауман уремыште ГИБДД пашаеҥ- влак Вольво автомобильым виктарыше 17 ияш рвезым шогалтеныт. Ийготыш шудымо еҥын транспортым виктараш праваже лийын огыл, адакшым подылшо улмаш. Тудым ала наркотик дене пайдалана манын, полиций пӧлкаш тергаш конденыт. Тушто рашемдыме: иномаркысе кугыжаныш регистраций знакше шкенжын огыл. Ондак машинам вес регионышто учёт гыч кораҥдыме улмаш. Ынде самырык нарушительым икмыняр статья дене мутым кучымаш вуча. Тиде- регистрироватлыдыме машинам виктарымлан, шоя знак дене пайдаланымылан, права деч посна коштмылан да йӱшӧ вуя руль воктеке шичмылан. Тиддеч посна ийготыш шудымо- влакын пашашт шотышто комиссийыш материалым колтымо.
