«Газпром межрегионгазым» вуйлатыше- влак Марий Эл правительствын газым пуртымо шотышто чолга пашажым палемденыт

           «Газпром межрегионгазым» вуйлатыше- влак Марий Эл правительствын газым пуртымо шотышто чолга пашажым палемденыт. Таче республикыш «Газпром межрегионгаз» иземдыме ответственностян ушемын генеральный директоржын алмаштышыже Сергей Табачук паша дене толын. Тудо Марий Элым вуйлатышын пашажым шуктышо Юрий Зайцев дене вашлиймаште пеҥгыде вашкыл да лектышан пашалан кӱкшӧ акым пуэн. Юрий Зайцев палемден: ме ваш умылен пашам ыштена, парым уке, объект- влак шыҥдаралтыт. Петербургысо экономик форумышто кок районыш газым пуртымо шотышто кӱлешан план- влакым палемдышна. Сергей Табачукын мутшо почеш Марий Элысе семын тыгай кӱкшытыштӧ да тыгай качестве дене вашкыл чыла регионыштат лиеш гын, проблеме йӧршын ок лий ыле. Генеральный директор Сергей Густовын каласен колтымжо почеш, вашкылым чынжымак сайым ыштыме. Тиде кылын лектышыжым кучен ончаш лиеш, тӱҥжӧ- тудым верысе калык ужеш. Тидыже эн шерге,- каласен Сергей Табачук. Вашлийше- влак ондак газым пуртыдымо районлашке газым пуртымо, газораспределитель сетьым налме да моло пӱсын шогышо йодыш- влакым каҥашеныт.
             Фото: Марий Элым вуйлатышын организаций да аналитик виктемже.

Прошлые выпуски