У Торъял ден Шернур эмлыме верым ушен кертыт
У Торъял ден Шернур эмлыме вер- влакым ончыкыжым вияҥдыме йодышым каҥашыме. Правительство председательын алмаштышыже Ольга Бадма-Халгаева, тазалыкаралтыш министр Марина Панькова, министрын алмаштышыже Ангелина Ушакова Шернур ден У Торъял рӱдӧ эмлыме верлаш миеныт, стационар пӧлка ден поликлиникым ончен лектыныт. Тушто Шернур эмлыме верын тӱҥ врачше дене кок эмлыме верым иктеш ушымо нерген каҥашыме. У Торъял эмлыме верын коллектившын темлымашыжым, калыклан, тора яллаште илыше- влаклан специализированный сай полышым лишемдыме шотышто шонымашыштым колыштмо. Шернур эмлыме верын врачше- влак мобильный комплексым кучылтын тора яллашке лектын тыгай йӧным пуэн кертыт.
Фото: Тазалыкаралтыш министерствын пресс-службыжо.
Фото: Тазалыкаралтыш министерствын пресс-службыжо.
