Марий Элын театр коллективше- влак «Театральный Приволжье» фестивальышке ушнат
Марий Элын театр коллективше- влак «Театральный Приволжье» фестивальышке ушнат. Лауреат- влакын лӱмышт 27-ше мартыште пале лийыт. Йоча да самырык коллектив- влакын фестивальыштын округысо йыжыҥже тӱҥалын. Регионысо йыжыҥыште сеҥыше- влак коклаште марий усталык коллектив- влакын кок постановкышт уло. «Йоча театр коллектив-влак» номинацийыште республикын чапшым «Воштончыш» оббразцовый марий сем да драма театр арала. Тудо марий йылме дене Валерий Якимовын «Мо шергакан?» спектакльым ончыкта. А самырык-влак номинацийыште «Цвети –семицветик» сем театр Валентин катаевын йомакше негызеш тыгаяк лӱман спектакль-мюзиклым шында. Финалыш лекше спектакль- влакын видеозаписьыштым фестивальын сайтыштыже ончаш лиеш. Тӱвыра министерствын увертарымыже почеш, округысо мероприятий кышкарыштак эн сай афише ден плакатын конкурсшо лиеш. Тушко ушнашлан йодмашым 15-ше февраль марте пуыман.
