Тошто савыктыш- влакым цифран форматыш кусарат
Республикыштына тошто савыктыш- влакым цифран форматыш кусарат. Чавайн лӱмеш калыкле книгагудо тений «Тӱвыра» калыкле проект кышкарыште 12 книга памятникым оцифроватлышаш. Книгагудо пашаеҥ- влакын тений да вес ийын тиде пашам шуктышаш спискышт уло. План почеш 2024-ше ий мучашлан 60 книга памятникым цифран форматыш кусарышаш улыт. Тений латкок савыктышым, вес ийын- нылытым. Мутлан тений этнограф С.Кузнецовын 1907-ше ийыште лукмо «Колышо- влакым аклымаш да олык марий-влакын вес тӱҥялан ӱшанымышт», 1908-ше ийыште савыктыме икымше марла арифметике, Фёдор Васильевын 1887-ше ийысе «Олык наречий дене черемис йылмым тунемме пособий», Сергей Чавайнын ямдылыме да Москошто лукмо «Чодыра пеледыш» сборникыш чумырымо марий поэт- влакын почеламутышт ден марий калык муро- влак» электрон вариантым налыт. Тиддеч посна руш автор- влакын йот йылмыла гыч кусарыме оҥай книга- влак улыт. Тымарте у йӧныш 44 книга памятникым кусарыме. Нуным книгагудын локальный сетьыштыже да Марий Электрон книгагудышто онлайн йӧн дене кеч- кӧат лудын кертеш.
Фото: Чавайн лӱмеш книгагудо.
Фото: Чавайн лӱмеш книгагудо.
