Ял озанлык министр озанлык предприятийлаште чер деч аралалтме йодышым каҥашен

Республикын ял озанлык министрже Александр Гречихо Российысе ял озанлык министрын алмаштышыже Даут Хатуовын «Контроль шагат» формат дене эртарыме совещанийыште лийын. Погынымаште Марий Элын, Киров да Ульяновск областьлан  АПК-м вуйлатыше, тергыше органлан, ял озанлык организацийлан, кресаньык озанлыклан, перерабатыватлыше предприятийлан еҥышт лийыныт. Шагал регион дене тыгай мутланымаш чер шарлыме жапыште АПК предприятий- влакын кӱрылтде пашам ышташышт йӧн лийже манын эртаралтеш. Совещанийыште предприятийлаште черлан шарлаш чаракым ыштыме, ик верыште шуко еҥын ышташ кӱлмӧ технологий процессым каҥашыме. Кажне предприятийыште черле еҥ лектеш гын, мом ыштышаш план лийшаш, пропуск режимым пеҥгыдемдыман, кӱлеш годым тестированийым эртарыман. Александр Гречихо республикыште тӱшка профилактике мероприятийым эртарыме- дезинфекций, пашаеҥ- влакым посна  транспорт дене шупшыктымо, аралыме средствым ситарыме, пашаеҥ- влакым жап шот дене шеледыме, пашаче резервым ямдылыме, медосмотрым эртарыме нерген каласкален. Таче ял озанлык министерстве пандемий жапыште пашам виктарыме йодыш дене видеоконференцкыл йӧн дене ял озанлык организаций да предприятийлам вуйлатыше- влак дене совещанийым эртара.

Прошлые выпуски