Курык марий районышто ДПС инспектор-влак визымше классыште тунемшын шонен коштмыжым шуктеныт
Курык марий районышто ДПС инспектор-влак визымше классыште тунемшын шонен коштмыжым шуктеныт. Йочам аралыме тӱнямбал кечын ДПС инспектор ден мер пашаеҥ- влак школышто тунемше ӱдырлан пӧлекым ыштеныт. Красноволжский школ гыч Софья патруль автомобиль дене пешак кудал ончымыжо шуын. Тудо адакшым корно движеныйын самырык инспекторжо-влакын школ командыштыже тунемеш. Эрдене кугыжаныш автоинспекцийын пашаеҥже- влак ӱдырын илыме Кулаковы селаш толыныт Нуно ӱдырлан служебный автомобиль нерген каласкаленыт. Вара автомобиль корныш кудал лектыныт. Тушто школьницылан корно-патруль службын чын пашажым ончыктеныт. Вара ӱдыр кугыжаныш автоинспектор лийын ончен, ДПС пашаеҥ дене пырля корнышто автомобиль- влакым чареныт. Кугыжаныш автоинспекцийыште ойлымо почеш, ӱдыр тыгай вучыдымо пӧлеклан пеш чот куанен.
Фото: Марий Эл Кугыжаныш автоинспекций.
Фото: Марий Эл Кугыжаныш автоинспекций.
