Йошкар-Олаште 17 ТСЖ у олтымо тургымлан эше ямде огыл
Йошкар-Олаште 17 ТСЖ у олтымо тургымлан эше ямде огыл. «Терым кеҥежым, орвам телым ямдыле» манме калыкык мут шуко пачеран пӧрт- влакым телылан ямдылыме шотышто лач келшен толеш. Но латшым озаже тиде шомакым пеш ок шотло коеш. Августын кыдалже шуын, а илыме вер организаций-влак огыт вашке. Тидыже шокшым жапыштыже пуымо шотышто лӱдыкшым луктеш. Илыме вер организаций- влак пӧрт кӧргысӧ системым мушкын лукшаш, гидравлик тергымашым эртарышаш, автоматик але механик регулироватлыме системым тӧрлышаш, шокшым йомадараш огыл манын, пучлаште изоляцийым тӧрлышаш, пайдаланыме энергоресурсым шотлаш шокшо энергийым да шокшым ситарыме узел- влакым пашаш колташ допускым ыштышаш улыт. Шуктымо пашам йыжыҥын-йыжыҥын «ЭнергосбыТ Плюс» организацийлан сдатлышаш улыт. 17 ТСЖ нимогай уверымат пуэн огыл.
