Йошкар-Олаште республикын тӱҥ У ий кожшым погат
Йошкар-Олаште республикын тӱҥ У ий кожшым погат. Банно-прачечный да ритуал озанлык трестын» специалистше- влак кожын кӱртньӧ каркасшым ушкалат, укшыжым пижыктат, у ий озам сӧрастарат. Кожым поген шуктымеш кок тӱжемат вичшӱдӧ укшым вераҥдыман. Тидын годымак «Россети Центр и Приволжье Мариэнерго» предприятийын энергетикше- влак иллюминацийым келыштарат. Искусственный кожым икымше гана рӱдӧ площадьыште 2012-шо ийыште вераҥдыме ыле. Тудын каркасше 12 ярус гыч шога, ӱлыл ярусшын диаметрже- 9 метрат пеле. Кодшо ийын 23 метр кӱкшытан Йошкар-Оласе кож элысе 25 эн кӱкшӧ кож- влак радамыш пурен да Хабаровскын, Благовещенскын, Новосибирскын пушеҥгыштым шеҥгелан коден ыле.
