Самырык- влаклан у грант- влакым ыштыме нерген увертарыме
Марий Элым вуйлатышын пашажым шуктышо самырык- влаклан у грант- влакым ыштыме нерген увертарен. Юрий Зайцев республикысе чолга самырык еҥ- влак дене вашлийын. Тушто тудо самырык- влакын инноваций проектыштлан у грант- влакым палемдыме нерген ойлен. Эн сай шонымаш- влаклан Марий Элым вуйлатышын вич грантше лиеш, кажныже 100 тӱжем теҥгеаш. Грант деч посна тудо талантан самырык еҥ- влаклан кугыжаныш премийын чотшым ешараш- 10 гыч 15 марте да кугытшым 20 гыч 40 тӱжем теҥге марте кӱзыкташ темлен. Вашлиймаште тыгак «Воскресение» кычалше отрядын еҥже Александра Бусыгиналан, «Паллада» парус клубын кугурак юнгыжо Иван Немихинлан, «Волонтёр медик- влак» регионысо пӧлкам вуйлатыше, «Иволга» форумын грант конкурсыштыжо сеҥыше Евгений Степановлан тауштымашан серышым кучыктен. Мучашлан Юрий Зайцев «Марий Элын боевой да паша чап рӱдерже» увер- ончер комплексым ыштыме йодышым шымлен лекташ кӱштен, республикыште уремысе у фестивальым эртараш шонымашым сайлан шотлен.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
