Марий Сола школ олмыкташлан ешартыш вич миллионат 400 тӱжем теҥгем налеш
Шернур районысо Марий Сола школ олмыкташлан ешартыш вич миллионат 400 тӱжем теҥгем налеш. Тыгай решенийым Юрий Зайцев Шернур районыш мийымыже годым луктын. Школышто кызыт уло куатын капитально олмыктымо паша кая. Подряд организацийым вуйлатыше Хамза Баширов Юрий Зайцевлан теве мо нерген ойлен: объект 56 процентлан ямде. Пашан тичмаш акше 57 миллион утла теҥге лиеш. Олмыктымо паша 25-ше августлан мучашлалтшаш. Коммуникацийым вашталтыме, электромонтаж пашам шуктымо, кочмыверлан мебельым налме, пӧлем- влакым тӧрлымӧ. Но проект почеш эше омса- влакым вашталтыман да коридорысо тувырашым олмыктыман. Юрий Зайцев чылажымат кызытсе йодмаш почеш ыштыман манын да вич миллионат 400 тӱжем теҥгем ешарен ойыраш пунчалын.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
