Йошкар-Олаште Вознесений кӱварым олмыктымо паша сентябрьыште мучашлалтеш

Йошкар-Олаште Вознесений кӱварым олмыктымо паша сентябрьыште мучашлалтеш
     Йошкар-Олаште Вознесений кӱварым олмыктымо паша сентябрьыште мучашлалтеш. Марий Элым вуйлатыше Юрий Зайцев пашан кузе кайымыжым ончен, автомобиль корно- влакым олмыктымо пашам каҥашен,- нуно тений шыжым мучашлалтшаш улыт. Олан рӱдӧ ден эҥер вес велысе ужашыжым ушен шогышо кӱварым 1991-ше ийыште почмо. Туддеч вара тудым олмыктымо огыл. Россий Президентын тӱҥалме «Качестван лӱдыкшыдымӧ корно» калыкле проектым шыҥдарымылан кӧра объектым паша планыш пуртымо. Кӱварын кужытшо 141 метрым эрта, корно дек лишемме ужашым шотыш налын, 161 метрым эрта. Контрактын акше- 245 миллион теҥге. Асфальтым август мучашыште шарышаш улыт. А кӱвар йымалсе зоным октябрь марте ыштен шуктыман. Транспорт министр Александр Герасименко ӱшандарен каласен: кӱвар дене транспортым икымше сентябрьыште колтат. Тыге тений Йошкар-Ола агломерацийысе тӱҥ кӱвар- влакым олмыктымо паша мучашлалтеш. Паша график почеш кая, кок подряд организаций тырша. Республикым вуйлатыше йӱр-вӱд канализаций нерген йодын. Министр кӱварысе дренаж системым ончыктен. Тудо кӱварсе вӱдым чыла шупшын налеш. Юрий Зайцев кӱварым да моло объектым олмыктымо пашам жапыштыже шукташ кӱлеш манын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски