Таче элна мучко «Экономический диктантым» возат
Таче Россий мучко «экономический диктант» шинчымаш акций эрта. Тудын темыже- «Виян экономике- пеледалтше Россий». Акций эрыкан экономик ушем, экономист- влакын тӱнямбал ушемышт, Россий правительстве пеленысе финанс университет, вӱдышӧ вуз- влак, субъектлан администрацийышт полшымо дене эртаралтеш. Диктант 2017-ше ий годсек эрта. Кодшо ийын Российын 83 субъектыштыже да кум йотэлыште 98 тӱжем утла еҥ возен. Тений эше шукырак лийшаш, молан манаш гын, элысе чыла кундемат ушнен. Диктантын лектышыже почеш экономикылан туныктымаште мом шотыш налаш кӱлешым, школ ден вузласе программыш могай вашталтышым пурташ лийшашым рашемдат.
