«Марий Элын йоча флотилийже» лиеш

                    «Марий Элын йоча флотилийже» лиеш
Республикысе юнга- влак «Марий Элын йоча флотилийжым» чоҥаш тӱҥалыт. Шошо марте нуно «Оптимист» лӱман 8 швертботым- тӱнямбалне эн изи яхтым ыштен шуктышаш улыт. Кеҥежын пытартыш кечынже нуно «Шнуй Косма» парусникышт дене черетан вӱд поход гыч Козьмодемьянскыш пӧртылыныт. Нунын тунемме корнышт Чебоксар-Мариинский Посад- Свяжск- Озаҥ- Чебоксар гоч 10 кече шуйнен. Тиде жапыште нуно сай практикым эртеныт. Руль воктене вахтымат эртареныт, авралыштат, суднысо пашаштат лийыныт, кочкаш шолташат полшеныт, шлюпко денат ийыныт. Олалаште нунылан экскурсийым эртареныт. Кеҥеж гоч парусникыште 81 юнга практикым эртен. Юл, Ока, Вӱтла эҥерлаште кум тӱжем меҥге наре кужытым эртеныт, 17 ола ден посёлкылаште лийыныт. Тидын дене паша ок мучашлалт. Икымше октябрь гыч у проект тӱналеш- «Марий Элын йоча флотилийже». У навигаций почылтмеш 8 эн изи яхтым чоҥен шуктышаш улыт.

Прошлые выпуски