Котельный- влакым йӱштӧ жаплан ямдылыме паша мучашлалтеш
Календарь почеш кеҥеж мучашлалте. Ырыктыме шыже-теле жаплан ямдылалтме сомылат мучашыш лишемеш. «Марикоммунэнерго» предприятий республикысе ола, райрӱдӧ, посёлкыла- влаклан шокшым чарныде ситарыше предприятий. Тудо пашаштыже у технологийым кучылтеш, техникым уэмда, теплосетьым олмыкта. Тыге паша лектышым кугемда. Кеҥеж жапыште йӱштӧ пагытлан чолган ямдылалтме. Оборудованийым, зданий ден сооружений- влакым олмыкташ материалым налме, шокшым пуышо сетьым кугу куат дене тергыме. Пеҥгыде топливым кондаш ойпидышым ыштыме. Куженер ден Шернур районлаште газыш кусарыме ныл котельныйым пужен ыштыме. Кодшо кечылаште чоҥымаш министрын сомылжым шуктышо Евгений Соколов котельный- влакым тергаш Куженер районысо Шорсолаш да Шернур районысо Горняк посёлкыш миен. Газыш кусарыме котельный- влаклан кӧра, талукышто кок миллион утла теҥге окса аныклалт кодеш.
