100 ий марте кузе илен шуаш лиеш

100 ий марте кузе илен шуаш лиеш
Марий Элыште эше ик ӱдырамаш курымаш лӱмгечыжым палемден. Параньга районышто илыше Татьяна Соколовалан 100 ий темын. Тудлан Президент Владимир Путинын саламлымашыжым, пеледышым, пӧлекым кучыктымо. Тудо шкеже Марий Турек районышто шочын. Тудым тынеш пуртымо годым кочаже Татьяна лӱмым пуэн да 100 ий марте илаш тыланен. Кум классым тунем пытарыме деч вара фермыште пашам ышташ тӱҥалын. Кугу Сар тӱҥалмеке, ачажам да кок изажым сарыш ужатеныт. Кок ий гыч комсомол путёвко дене Сталинград олам тӱзаташ каен. Соколован мутшо почеш, кужу ӱмырын секретше йочам йӧратымаш дене кылдалтын. Молан манаш гын, тудо шкенжын йӧратыме еҥже- влак верч ила. 100 ийым темен гынат, кӧргӧ пеҥгыдылыкше уло, лишыл еҥже- влак деке шӱм-чон шокшыжым арален коден.

Прошлые выпуски