Илыме верым кож олмеш лӱс денат сӧрастараш лиеш
Таче Йошкар-Олаште кож пазар почылтын. Ола администрацийын уверже дене келшышын, аукцион почеш тудо ик верыште гына: Воин интернационалист- влак уремысе 28 пӧрт воктене пашам ышта. Верысе калык вес йӧнымат муын. Кож олмеш кож лӱсым да лӱс аршашым темлат. Нуно 50 гыч 250 теҥге марте шогат. Администраций ушештара: ужалкалыме верым шке вуя вераҥдымылан шижтарымашым пуат але 500 гыч тӱжем теҥге марте штрафым тӱлыктен кертыт.
