Икымше Совет Ушем Геройым шарналтен, шашке дене турнирым эртареныт

Икымше Совет Ушем Геройым шарналтен, шашке дене турнирым эртареныт
Йошкар-Олаште Василий Степанович Архиповым шарныме лӱмеш шашке дене турнир эртен. Тудым ола администрацийын физкультура да спорт виктемже, туныктыш виктемже да Семёновка селасе Архипов лӱмеш кыдалаш школ ямдыленыт. Василий Архипов Кугу Ачамланде сарыште республике гыч эн ончыч Совет Ушемын Геройжо лӱмым налын. Турнир ончыкыжым кажне ийын эртаралташ тӱҥалеш. Школ- влакын шым командышт коклаште ӱчашымаш кум шагат утла шуйнен. Пӱсӧ модмаш деч вара икымше верым 17-ше школышто тунемше- влак сеҥен налыныт. Кокымшо верыш оза- влак – Семёновка селасе Архипов лӱмеш школ лектын. А кумшо верыш Пушкин лӱмеш 4-ше номеран Гимназий лектын. Сеҥыше- влаклан куснылшо кубокым кучыктымо.

Прошлые выпуски