Сенатор Сергей Мартынов Марий Элын экономикыже вияҥмым палемден
Марий Элым вуйлатыше Александр Евстифеевын Правительствын тенийсе пашажалан иктешлымашым ыштымыж деч вара марий кундем деч Федераций Советын еҥже Сергей Мартынов регионысо экономикын ӱшанлын вияҥмыжым палемден. Эн ончыч республикын тӱҥ финанс документшым, бюджетым, пеҥгыдемдымым ушештарем, - каласен тудо. Бюджет сайын шонымо, социал корнан, тудым моштен ыштыме. Республикым вуйлатышын отчётшо ӱшандарышын йоҥгыш. Коеш: правительстве ден район- влак чак пашам ыштеныт. Каласыме цифр- влак пагалымашым луктыт. Тудо тыгак Федераций Советын еҥже- влакын пуымо полышыштым палемден. Мутлан, Перинатал рӱдерым пужен ыштымаш, авиакылым ыштымаш, обороно промышленностьлан кугыжаныш заказым ситарымаш. Шумо лектыш- влак предприятий- влакын ончыкылык пашаштлан сай ошкыл лиеш. Республикын кучемжын обороно промышленностьымат, экономикымат вияҥдаш ойырымо тӱткышыжӧ моткоч кӱлешан, - иктешлен Сергей Мартынов.
