Александр Евстифеев Конституцийыш тӧрлымашым пуртымо нерген марий парламентыш законын проектшым пуэн

                   Марий Элым вуйлатыше Александр Евстифеев Конституцийыш тӧрлымашым пуртымо нерген марий парламентыш законын проектшым пуэн. Тиде закон проектым тений 14-ше мартыште Российын Конституцийышкыже тӧрлымашым пуртымо шотышто Российын законжым илышыш пурымо деч вара ыштыме. Россий Конституцийыш тӧрлымашым пуртымо дене келшышын тыгай вашталтыш- влак темлалтыт: Прокурорым Российын президентше пеҥгыдемда, медицина полышым пуымашым муниципалитет- влакын полномочийышкышт пуртымо, муниципалитетлаш вуйлатыше-влакым палемдыме годым республикысе кучем орган- влак участвоватлат, Марий Элын тӱвыраже Марий Эл Республикысе калыкын ойыртемалтше поянлыкше лиеш, чиновник- влакын йотэл гражданствышт, илашлан видышт да йотэл банклаште счётышт лийшаш огыл, республикым вуйлатыше эре Российыште илышаш. Тиддеч посна Марий Эл Конституцийын у редакцийжын проектыштыже Конституций судын, прокуратурын компетенцийышкышт вашталтыш пурталтеш. Тений июльышто республикым вуйлатыше Конституцийыш тӧрлымашым пуртымо шотышто пашаче группым ыштен ыле. Тудын радамышкыже 11 еҥ пурен.

Прошлые выпуски