«Руш классика: лудына, колыштына, ончена» тӱвыра да шинчымашым шарыше проектым почмо
Республикым вуйлатыше Александр Евстифеев «Руш классика: лудына, колыштына, ончена» тӱвыра да шинчымашым шарыше проектым почмо дене тудын участникше да унаже- влакым саламлен. Кинофестиваль- влак рӱдерын да тӱнямбал программе- влакын проектышт- тиде кугу тӱшка мероприятий. Тудо руш да российысе тӱвырам шарен колташ, шуараш да ончыко вӱдаш виктаралтын, тӱвыра да сымыктышын лӱмлӧ еҥыштын усталыкышт дене палыме лияш йӧным пуа. Тиде проектлан кӧра Марий Элысе калык тӱвыра, туныктыш да шанче аланыште тыршыше ончыл пашаеҥ-влак нерген утларак пален налын кертеш, сылнысем да поэзий кас- влакым, ончерым, кином, мастер-классым ужын кертыт. Кинофестиваль да тӱҥямбал программе- влак рӱдерлан кӧра Эрик Сапаев лӱмеш опера да балет театр Францийыш, Марий филармоний Италийыш миен толын. Моткоч сай, ме Российысе проектын участникше радамыш логалынна. Тыланда пеҥгыде тазалыкым, усталык кумылым, шонымаш шукталтмым тыланем,- ойлалтеш республикым вуйлатышын саламдымашыштыже.
