Александр Евстифеев республикысе калыкым сайлымашыш чолган ушнаш ӱжын

Александр Евстифеев республикысе калыкым сайлымашыш чолган ушнаш ӱжын
Республикым вуйлатыше Александр Евстифеев журналист- влак дене вашлиймыж годым республикысе калыкым сайлымашыш чолган мияш, Марий Элын командышкыже ушнаш да республикым вияҥдаш шонышо кандидат- влак верч йӱкым пуаш ӱжын ойлен. 8-ше сентябрьыште йӱклаш ямдылалтмаш план почеш кая. Чыла ола ден районышто сайлыме участке- влакым ыштыме, эскерыше- влакым чумырымо. Йӱклымаш кузе кайымым политпартий да кандидат- влакын еҥыштат, республикысе Общественный палатын еҥыштат шекланаш тӱналыт. Сайлымаш кечын республикысе калык тӱжемат 358 еҥым ойырышаш улеш. Сайлымаш кечын кажне еҥым пашам ыштыше, лектышым ончыктышо кандидат- влак верч йӱклымашке мияш, Марий Элын икоян командышкыже ушнаш ӱжам. Тек республике вияҥеш, ила, пиалым, куаным конда,- каласен Александр Евстифеев.

Прошлые выпуски