Кок самырык шанчыеҥ Россий Президентын грантшым налеш
Марий Элыште тӱҥ федерал инспектор Пётр Журавлёв Марий Кугыжаныш университетыште Шинчымаш кечылан пӧлеклалтше торжественный линейкыште лийын. Тудо российысе самырык шанчыеҥ, науко кандидат- влаклан Россий Президентын грантшым налаш свидетельстве- влакым кучыктен. Студент- влакым саламлымашыште тыгак сенатор Константин Косачёв, Йошкар-Ола ола округым вуйлатыше Александр Принцев лийыныт. Россий президентын полпредше Игорь Комаровын кӱштымыж почеш, грантым налаш конкурсышто сеҥыме нерген свидетельствым тӱҥ федерал инспектор шанче кандидат, туныктышо- влак Михаил Дубинин дене Екатерина Плотниковалан кучыктен да студент, преподаватель- влакым саламлен ойлен.
