Максим Волков 10 тӱнямбалсе 10 эн виян шахматист коклаш пурен

Максим Волков 10 тӱнямбалсе 10 эн виян шахматист коклаш пурен
Йошкар-Ола гыч самырык шахматист Максим Волков 12 ияш марте рвезе- влак коклаште шахмат дене тӱнямбал первенствыште кандашымше верым сеҥен налын. Тудо шке ийготан- влак коклаште эше кок спортсмен дене пырля Российын чапшым арален. Максим 11 модмашым эртарен, куд гана сеҥен, кум партийыште ничьям ыштен да кок гана модын колтен. Тыге 7,5 очком поген да тӱнямбалсе 115 эн виян спортсмен- влак коклаште кандашымше верыш лектын. Регионысо шахмат федерацийын ончычсо вуйлатышыже Андрей Темновын мутшо почеш, тидым рвезын подвигшылан шотлаш лиеш. Молан манаш гын, тудын  эше кумшо тыгай кугу таҥасымашыже гына. Палемдыде ок лий: тудын Россий гыч  пырля модмо йолташыже Артём Пингин нылымше верым налын, а Эрдем Хубукшанов 16-шо лийын.

Прошлые выпуски