У Торъялысе книгагудо кызытсе жаплан келшыше лиеш

У Торъялысе книгагудо кызытсе жаплан келшыше лиеш
«Тӱвыра» калыкле проектым шыҥдарыме кышкарыште шушаш ийын модельный муниципал книгагудылам ышташ конкурс эртен. Российысе 78 кундем гыч пурышо 500 йодмаш коклаште Марий Эл гычат темлымаш лийын. Ойырен налмашын лектышыже почеш, республике сеҥыше 110 книгагудо радамыш пурен. Нуным вес ийын кызытсе жаплан келшыше интеллектуал рӱдер марте уэмдышаш улыт. Марий Элыште тыгай рӱдерыш У Торъял районысо рӱдӧ книгагудо савырнышаш. Тудым уэмдаш федерал бюджет гыч 10 миллион теҥге оксам ойырат. Тиде шийвундо дене зданийжым олмыктат, фондым уэмдат да кызытсе жаплан келшыше книгагудо-увер рӱдерым ыштат.

Прошлые выпуски