Теҥгече Российыште Псковысо дивизийын десантникше- влакым шарналтеныт
Теҥгече Российыште Псковысо дивизийын десантникше- влакым шарналтеныт. Нуно 2000-ше ийыште шке илышыштын акше дене Аргун ущельыште террорист- влакым чарен шогалтеныт. Марий Элысе калыклан поснак тыштак шочшо Марк Евтюхинын лӱмжӧ шерге. Тудо тусо кугу сӧйыштӧ 104-ше парашютно- десант полкын 6-шо ротыжым вуйлатен. Йошкар-Олаште шарнымаш мероприятий- влак Сеҥымаш будьварыште Росийын Геройжын бюстшо воктене эртеныт. Митингыш погынышо да командирын родо- тукымжо ончылно Республикым вуйлатыше Александр Ефстифеев ойлен. Тудо каласен: 20 ий ожно гвардеец-десантник- влак Йӱдвел Кавказыште кугу бандформирований дене кредалыныт. 90 десантник кок тӱжемат пеле боевик- влак ваштареш шоген. Кредалмаш 15 утла шуйнен. Тиде сӧйыштӧ 84 гвардеец вуйжым пыштен, 6 еҥ гына илыше кодын. Героизм да Шочмо эллан ӱшанле улмаш- курымла мучко российысе салтакын ойыртемже лийын. А икымше март ойыртемалтше кече- лач тиде кечын 6-шо ротын подвигшылан 20 ий темын. Россий Президентын Указше дене 22 десантниклан Российын Геройжо кӱкшӧ лӱмым пуымо. Тушечын 21-тыжлан, Марий Евтюхинланат, - колымекышт. 2018-ше ийыште Россий кӱкшытан йоча да самырык- влакын «Юнармий» военно- патриот мер толкыныштын верысе пӧлкажлан Марк Евтюхинын лӱмжым пуымо. Шарнымаш мероприятий- влак парад расчётын торжественный маршыже да Геройын бюстшо деке пеледыш аршашым пыштыме дене мучашлалтын.
