«Ӱшанымаш турнир» акций тӱҥалын
Севастопольышто да Йошкар- Олаште неле илыш йыжыныш логалше йоча- влаклан полшышо фонд «Турнир доверия» федерал акцийым тӱналын. Тӱжем утла школьник ик жаплан «Мо? Кушто? Кунам?» модмашын ушанеҥже лийын да йоча ӱшан телефон нерген, келшымаш, вашполыш, йоча да ача-ава кыл нерген йодыш- влаклан вашештеныт. Йоча- влакым саламлышыла, Йошкар-Ола туныктыш виктемын специалистше Нина Лебедева у тунемме ий тӱналме дене саламлен да «Турнир доверия» акцийын лач кызыт эртымыже пеш кӱлешан. Тиде телефон номер тыланда кугу полышкалыше лиеш манын. Кунам тыланда неле, те 8 800 2000 122 номер дене яра да лӱмым ойлыде йодышдам каласен кертыда. Специалист-психолог чыла рашемдаш полша да чын темлымашым пуа. Йоча- влакым кок командылан ойыреныт. Уш-акыл дене ӱчашымаш шагатат пеле наре шуйнен. Тунемше- влак шуко уым пален налыныт. Акцийыш 20 тӱжем утла тунемше ушнен кертеш. Молан манаш гын, тудо сентябрь мучаш марте Курганыште, Ижевск, Черкесск, Великий Новгород, Владивосток, Улан-Уде, Якутск, Кемерово, Кызыл, Брянск олалаште эрташ тӱналеш. Кажне олаште акцийыш 10 школ ушна.
